香港打的apps嘅出路? 你點睇?

renee2014

打的(內地人叫法)apps唔知由幾時(大概2013年吧)開始, 隨住智能手機嘅普及快速進入大家嘅生活。 好多的士常客都會貪新鮮下載試用, 的士司機中更加有一班忠實粉絲(希望靠佢做多幾單生意, 改善生活)。 我覺得香港打的apps嘅市場真係好細, 實在唔知班"投資者"打緊咩算盤, 一個咁細嘅市場, 一場睇唔到回報嘅投資遊戲都玩得不亦樂乎!

做一個app閒閒哋都要投資數十萬費用, 費時數月, 仲要不斷燒錢做宣傳。 靠咩贏利呢: 賣廣告(雞碎咁多)? 向司機/乘客收服務費?(no way), 我已經諗唔到第三種搵錢方法了。 所以依家打的市場係大陸同外國都係一盤燒錢生意, 香港投資者可以闖出一片全新天地嗎?

雖然前景一片灰暗, 不過如果加多少少創意可能又會有一番唔同嘅景象。 好似chok的呢隻app, 我認為確實有獨到之處, 因為佢係專做過海客生意, 大部分司機都唔願意接呢類客, 而又有一班司機係獨好此類, 咁就解決了過海客嘅需求, 真正做出一個市場, 雖然唔係好大, 但總比普通打的apps毫無特色多一個賣點。 不過佢嘅宣傳策略十分獨到, 未出app先做廣告, 真係唔怕俾人抄, 果然係非同凡響。

另外有一個成功嘅例子(冇數據, 靠估)係gogovan。 呢類客貨apps唔似打的apps, 因為用家一定要借助一個工具(call台/打電話)至叫到車, 唔似坐的士一舉手就有車十萬火急衝埋泥(司機仲積極過乘客)。 所以客貨apps就有機會了, 而且仲有贏利方法, 例如向司機及用家收服務費, 賣廣告。。。。等。

所以如果要做嘅話當然做客貨apps好過打的apps啦! 如果係我嘅話我會選擇唔做, 正所謂多做多錯, 少做少錯, 唔做唔錯。

古大山

我唔睇好
因為要等對方
祇要等一次耐既
無下次 ~.