現在已經係深夜, 請將電視機音量收細。。。

renee2014

。。。 我部電話突然"叮"一聲, 提示收到短訊。 我查看一下, 原來係whatsapp訊息, 一個祇有一面之緣嘅女性朋友選係呢個咁不恰當嘅時間黎打擾我, 還好我是隻夜貓, 人哋嘅晚上正是我嘅白天! 與她最近一次聯絡已經係去年嘅7月, 那次佢亦祇係發短訊泥問我的士嘅收費情況, 這次我估亦唔會有咩好事關照。

果然不出所料, 她說晚上坐的士時遺下了重要文件在車上, 問我有甚麼方法找回。 老實講雖然我身為一名的士佬, 但其實都唔係太清楚有咩有效嘅報失辦法。 於是立馬google了一下, 搵到881903嘅不容有失的士失物熱線, 然後send咗俾佢。 我問係幾點唔見的, 她話大約10點。 又話已經打了電話去商台及差館。 我心諗:"既然已經做咗咁多嘢仲走泥問我? 我又唔係上帝神仙! 就算特首係的士度漏低咗嘢都係一視同仁, 祇能夠等奇迹出現吧"。

我問佢覺得那位司機睇落人品如何? 佢話係位中年女人。 我本來想安慰佢希望車佢嘅司機係位有正氣之人, 不過聽到"中年女人"就真係無從判斷了。 我說可以找回嘅機會很微, 佢問點解? 我話十個司機。。。。! 佢聽到之後亦無語了。

做的士佬有好多壞處, 不過亦見盡花花世界嘅光怪陸離, 不枉此行!

fafa

其實有客漏左野, 多數唔係司機執到, 因為客接客上車, 10個司機10個都唔會執左車先俾下一個客上架啦