吾識路做到的士司機可能性不大？？？

carlsberg01

可以話完全吾識路，無方向感，無駕搵食車經驗，平時亦無自駕四處去，想做的士司機係咪妙想天開嗯？？？
小弟已經諗吾到可以做咩，小弟四張野，吾通真係要去實Q？？我真係吾想囉！！

candy_1398

carlsberg01 發表於 2014-2-4 17:42
username & 即捕即解:  多謝兩位師兄正面支持鼓勵同多樣方法提議!!

阿榮:  多謝師兄的中性分析, 小弟會自 ...

唔好覺得自己咁重要
全香港萬幾部的士 多你一部唔多 少你一部唔少
你做定唔做 完全影響唔到其他人
何況你仲要乜都唔識 就算識路 日日爆幾千蚊數
都唔關其他人事 難度你搵幾千蚊日 其他人就會少左幾百蚊收入?
你開post, 答到你想要既答案 你就多謝,
有人講出呢行你唔想聽既事實 你就話人唔想你入行爭食
咁樣好難幫到你wo 唉~
你一個新手爭得幾多食呀老細~__~"
好既要聽 壞既都要聽
每行都有好有壞架啦 冇理由好既你就聽 壞既你就話人黑心架
真心答你: 可能性唔大

carlsberg01

username & 即捕即解:  多謝兩位師兄正面支持鼓勵同多樣方法提議!!

阿榮:  多謝師兄的中性分析, 小弟會自我考慮一下!!

zing & AAA:  亦都多謝兩位師兄忠告同提議!! 我明白的士按金有意外時會沒收, 但難道每一位曾經係新手既司機都付出過幾萬蚊按金先可以做到今時今日?? 我明白每一個行業都有本身好處同壞處, 的士司機既好處同壞處唔需要講我相信咁多位現役師兄都心裡有數!! 若然一個月開得十日八日工, 每日開工又懶懶閑做幾粒鐘, 食飯又兩個鐘, 有時又賭波賭馬又唔開工, 咁樣當然係比最低工資少啦, 若果勤勤力力一星期返四,五日, 日做足十粒或十二碼都係得最低工資的話, 我相信唔會再有人揸的士搵食! 況且做實Q夜晚可以瞓覺依支歌仔無得唱好耐啦, 家陣實Q當更瞓覺有機會要坐監同罰款!! 至於升職升都升D後生仔啦, 或者有例外我唔敢講, 但講自由度就一定無揸的士咁大, 無得你話放假就放假, 一定要申請, 申請又未必會批!! 做實Q又經常比人投訴, 投訴得幾次連工都無埋!! 至於話壓力大好多工都會好大壓力, 又無需要搜羅哂咁多的士司機自殺既新聞既, 大部分唔係財困負債就係感情問題, 大家都唔知佢地內裡故事, 可能係爛賭欠下巨款又唔定, 可能婚姻失敗又或者出現第三者又唔定, 如果純粹係因為做的士司機而自殺, 我相信唔止咁少, 一年起碼有一千幾百單, 若果上網搜尋"商人生意失敗自殺", 亦都有好多依類新聞, 難道又奉勸人地唔好做生意?? 可能兩位唔希望又多一個新人入行爭食, 依個明白既, 又或者係真心奉勸外行人三思而行, 提出種種壞處及提點, 小弟亦在此感謝!! 小弟並非惡意爭辯, 純粹真心討教, 如果小弟失言冒犯, 亦在此致歉!!

阿榮

做唔做到的士司機是好睇你個人的性格, 每一個新入行的士司機都是由唔識做到識.
首先一定要問你自己是享受揸車, 再者要有方向感, 能夠和人客溝通, 有獨立處理難題
的能力, 喜歡周圍去, 性格樂觀,不怕失敗敢於學習和有拼博精神.
以上都是一般做的士司機應有的條件, 如你的大部分的答案都是反面, 咁不如搵個另一行.

carlsberg01

多謝各位教導同建議!!

username

想成功轉型，有決心係第一步，
等二步係肯捱肯蝕底【開始俾人醒到PK, 食牛肉乾食到嘔，】到交咗學費，扣咗分後，
一朝起床，發覺自己駕輕就熟，= 得咗

carlsberg01

首先多謝師兄回覆！係咪真係如師兄所講得咁輕鬆？ 我以為單靠導航應該無問題，原來事實吾係甘，導航只可以用黎輔助，同埋可能比實際情況慢左而錯過！

username

紙上談兵，話自己係有特異功能都得，
實際的講，一日唔落場，唔知軟地定快地。
有決心，就要執行，唔好磋砣歲月，到年紀有番咁上下，一事無成，放棄理想。

AAA

按金過萬,撞一次就殺一次,新手要準備定幾份按金交學費

username

去 馬。
No pain,  no gain.

即捕即解

租架車唔做生意  遊一排車河先....操車認下路....睇下地圖...有客係身個人又緊張又慌...唔好話邊做邊認路...撞車抄牌...實走唔甩  一撞心灰...二撞意冷..三撞 你會放棄...到時帶錢打工..乜都冇得著....我講係d輕微碰撞...大撞一鋪玩完...萬事起頭難...操下車同路先啦...天冇絕人之路...不過都要識睇清楚先行到  goodluck

zing

建議你去做(食嬌)好過啦,食司機始終風險大,搵得又吾多,同最低工資差吾多,有D咩事自己上晒身,做(食嬌)始終有保障D....

AAA

zing 發表於 2014-2-3 12:43
建議你去做(食嬌)好過啦,食司機始終風險大,搵得又吾多,同最低工資差吾多,有D咩事自己上晒身,做(食嬌)始終有 ...

做食嬌好,坐係度唔駛揸車就有糧出,人工分分鐘多過的士,返夜更又有幾個鐘瞓覺唔駛做,過年收街坊利是收到手軟,又有得升職越搵越多,唔駛驚俾人抄牌,唔駛驚俾人不停加租,不停加石油氣價,做食嬌只有加人工,最緊要就係唔駛交高昂嘅學費,唔駛俾人殺按金

如果揸的士真係咁理想,就唔會有咁高嘅自殺率,年年都有好多司機燒炭,實在太多,不能盡錄:

http://hk.apple.nextmedia.com/news/art/20130602/18280527
http://paper.wenweipo.com/2011/02/17/HK1102170038.htm
http://orientaldaily.on.cc/cnt/news/20110213/00176_034.html
http://hk.on.cc/hk/bkn/cnt/news/ ... 1221_00822_001.html
http://orientaldaily.on.cc/cnt/news/20130305/00176_044.html